Метју Меконахи вели дека „навистина размислува“ да се кандидира за гувернер на сојузната американска држава Тексас.
Во неговото неодамнешно гостување во подкастот The Balanced Voice, актерот и заштитно лице на луксузниот автомобилски бренд Lincoln зазеде посериозен став кон влегувањето во политичката игра, во споредба со претходно.
Дискусијата за неговата политичка иднина следеше по разговорот за пренесување на животните лекции на следната генерација. Водителката Ранија Манкариус праша дали неговата следна лидерска улога би можело да биде гувернерска, на што Меконахи одговори: „Навистина размислувам за тоа“.
„Сега разгледувам, која е мојата лидерска улога?“, рече тој.
„Затоа што мислам дека имам некои работи кои можам да ги научам другите и да ги споделам со нив, и која е мојата улога? Во која категорија ќе бидам во моето следно поглавје од животот во кое влегувам?“, рече 51-годишниот актер.
Меконахи смета дека неговите политички ставови се „агресивно центристички настроени“ и тој ги критикуваше и левицата и десницата во декември кога гостин на подкастот беше Расел Бренд.
„На таа либерална левица има многу луѓе кои апсолутно попуваат, се надмени и арогантни кон останатите 50 проценти“, рече тој, пред да ги нападне конзервативците бидејќи го оспорија изборот на Бајден на претседателската функција.
Актуелниот гувернер на Тексас, Грег Абот, го очекува реизбор следната година.
