Една од најтешките железнички несреќи во Грција, која однесе најмалку 43 животи, е предизвикана од „трагична човечка грешка“, изјави премиерот на земјата Кирјакос Мицотакис.
Премиерот Кирјакос Мицотакис зборуваше по посетата на местото на верижниот судир меѓу патнички и товарен воз во вторникот вечерта.
Локалниот началник на железничката станица беше обвинет за убиство од небрежност, а грчкиот министер за транспорт поднесе оставка. Во несреќата загинаа најмалку 43 лица, а се очекува бројот на повредени да се зголеми.
Несреќата се случила во вторникот нешто пред полноќ. Патнички воз со околу 350 луѓе се судрил со товарен воз додека излегувал од тунелот по напуштањето на градот Лариса. Сѐ уште не е јасно зошто двата воза завршиле на иста пруга.
Началникот на станицата, кој е задолжен за сигнализација, ја негира вината и за несреќата обвини можен технички дефект.
По посетата на локацијата, Мицотакис рече дека сè укажува на „трагична човечка грешка“.
„Судот ќе си ја заврши работата“, рече тој во телевизиско обраќање. Луѓе ќе одговараат, а државата ќе биде на страната на народот.
Објавувајќи ја својата оставка, министерот за транспорт Костас Караманлис рече: „Кога се случува нешто толку трагично, невозможно е да се продолжи и да се преправаме дека не се случило“.
Синдикатите велат дека несреќите се мултифакторни и дека несреќата ги истакнала хроничните недостатоци, вклучително недостатокот на персонал, неисправните сигнали и застарените капацитети.