Италијански Corriere dello Sport објави дека фудбалскиот клуб Милан во изминатите пет години забележал загуба од 413 милиони евра.
Се наведува дека минусот на миланскиот клуб до 30 јуни за една година ќе изнесува 100 милиони евра.
Милан за три години смени тројца сопственици - по повлекувањето на Силвио Берлускони следеше Јонгхонг Ли, а поради огромните трошоци, управувањето на клубот го презеде американскиот хеџ фонд Elliott Management.
„Неуспехот на домашниот шампионат, односно неуспешниот обид за пласман во Лигата на шампиони, го става клубот под уште поголем притисок. Милан ќе мора да продаде играчи во вредност од 30 милиони евра за да ја доведе загубата до некоја разумна мера“, објави весникот.
Corriere dello Sport пишува дека во 2014 година загубата изнесувала 91 милион евра, а во сезоната 2017/18 дури 126 милиони. На петгодишно ниво, сумата се искачи на минус од неверојатни 413 милони евра.