Ловот на снежни ракови на Алјаска за прв пат во историјата е откажан откако милијарди ракови исчезнаа од водите на Берингово Море.
Официјалните лица за риболов соопштија дека популацијата на морски ракови во Берингово Море е опадната под пропишаната граница, а податоците говорат дека нивниот број е намален од околу 8 милијарди во 2018 година на милијарда во 2021 година.
„Снежниот рак е најзастапен од сите видови раков во Берингово Море, а кои се ловат комерцијално. Поради тоа, шокантен е фактот дека милијарди исчезнале, вклучително женки и младенчиња“, изјави истражувачот Бенџамин Дејло.
Втора година по ред е забранет ловот на црвени кралски ракови. Податоците од ланските истражувања и од годинава говорат дека бројот на зрели мажјаци снежни ракови е намален за околу 40 проценти.
Според други експерти, климатските промени се значаен фактор во намалување на бројот на ракови.
Снежните ракови се вид што живее во студени води и ги има многу онаму каде владеат температури под два степени. Како што океаните се загреваат и морскиот лед исчезнува, океанот околу Алјаска станува неповолен за живот на раковите.
