Македонската репрезентација за фудбалери до 21 години го оствари првиот триумф во квалификациите за пласман на ЕУРО 2023 откако предмалку славеше среде Ерменија со 2:1.
Во својот четврти натпревар од новиот циклус квалификации Македонија влезе со две ремија и еден пораз, без победа. Но, уште од почетокот наште фудбалери покажаа далеку подобра игра и заслужено ги освоија бодовите.
Во 25. минута акпитенот Антовски нафрли од слободенудар од десната страна, го пронајде Ѓорѓиевски во шестнаесетникот кој беше највисок во скок играта со глава сместувајќи ја топката во домашната мрежа.
Младите македонски фудбалери имаа доста шанси за да го сголемат водството, особено преку стрелецот Ѓорѓиевски кој во уште неколку наврати шутираше, но голманот Нерсесјан бранеше. Обид имаше и Рустемовски, а пред водството Манев на двапати беше блиску до гол, но првиот пат Нерсесјан одбрани, а потоа ја погоди стативата.
На шест минути пред крајот Македонија ја запечати победата откако селекторот Драги Канатларовски ги погоди зимените. Двајцата играчи кои влегоа од клупата, Станковски и Максимов, учествуваа при голот откако првиот му намести на вториот.
Во последната минута од регуларниот дел Ерменците успеаја да се вратат во игра откако Максимов лошо расчисти, па Нарек Григорјан ја смести топката в гол.
Шестминутното судиско надополнување донесе страшен притисок на ерменските фудбалери, кои цело време играа во македонската половина.
За Македонија настапија: Давид Денковски; Блертон Шеји, Марио Младеновски, Јован Манев, Адриан Хајдари (74' Александар Ѓурковски); Али Адем, Томче Гроздановски; Филип Антовски (к) (82' Методи Максимов), Амел Рустемовски (82' Лука Станковски), Арби Воша (66' Емир Скендери); Марко Ѓорѓиевски (66' Марио Илиевски).
Во нашата група во моментов играат Украина против Фарски Острови, а подоцна се среќаат и Србија - Франција.
Моментална табела:
- Франција 7
- Украина 6
- Македонија 5
- Фарски Острови 5
- Србија 4
- Ерменија 3
