Од моментот кога рускиот претседател Владимир Путин вчераутро издаде наредба за мобилизирање на резервните сили кои бројат 300.000 мажи на военоспособна возраст, започна масовното резервирање летови до дестинации надвор од земјата.
Така за кратко време беа распродадени сите летови кон Ерменија, Србија и Турција. Руските граѓани веднаш резервирале билети за да избегаат од земјата и на тој начин да избегнат одење на бојното поле и учество во агресијата против Украина.
Колку само вчера имаше гужва на руските аеродроми најдобро покажува анимацијата на веб-страницата Flight Radar, која ги следи летовите на авионите.
„Денеска поаѓаат летови од Москва и Санкт Петербург. AP известува дека меѓународните летови кои поаѓаат од Русија се или распродадени или нагло се зголемени откако Путин најави мобилизација на резервисти“, објави FlightRadar24.
Авиобилетите на црниот пазар достигнуваат цени и до вртоглави 10.000 евра.
