Kia неодамна ги објави податоците за унапредениот Stinger кој ќе се продава во Европа.
Спортската лимузина доаѓа со освежен дизајн и нова технологија.
Од почетокот на продажбата во Европа во 2017 година продадени се околу 10.000 примероци на Stinger. Продажбата на унапредениот модел во некои европски земји ќе започне до крајот на годината, додека во останатите земји пристигнува во почетокот на 2021 година.
Унапредниот Stinger има нов, освежен екстериер и решенија кои го разубавуваат автомобилот и го подобруваат неговиот квалитет.
Моделот има 3,3-литарски T-GDI 6-цилиндричен мотор кој развива 370 коњски сили и 510 Nm максимален вртежен момент. Од 0 до 100 км/ч забрзува за 4,9 секунди.