Moderna испрати барање за одобрување на вакцината против COVID-19 за деца на возраст од 6 до 11 години, соопштија од компанијата.
Двете дози се даваат во рок од 4 недели по 50 микрограми.
„Среќни сме што можеме да ве известиме дека го предадовме овој документ на ЕМА“, рече Стефан Бансел, директорот на Moderna.
Вакцината на Moderna има одобрување од ЕМА за деца постари од 12 години, но повеќе земји меѓу кои се и Шведска и Франција препорачуваат да не се користи оваа вакцина за лица помлади од 30 години поради зголемените случаи на миокардитис.
Оваа нуспојава е утврдена меѓу тинејџери и млади лица, особено мажи.
Во меѓувреме, од ЕМА ги проучуваат податоците од Pfizer кои испратија барање за одобрување на нивната вакцина за деца од 5 до 11 години. Оваа анализа би можела да биде готова во декември.