Лука Модриќ (37) и следната сезона ќе продолжи да игра за Реал, соопшти мадридскиот клуб.
Капитенот на хрватската репрезентација имаше неколку неверојатни понуди од Саудиска Арабија, наводно му нуделе дури 200 милиони евра по сезона, но тој решил да остане во Реал.
„Реал и Лука Модриќ се договорија да го продолжат договорот до 30 јуни 2024 година“, објави најголемиот европски клуб.
Модриќ пристигна во Реал пред 11 години. Со мадридскиот клуб освои 23 трофеи: 5 Лиги на шампиони, 5 Светски клупски првенства, 4 Суперкупа на Европа, 3 шпански лиги, 2 Копа дел Реј и 4 шпански Суперкупа.
Во дресот на Реал го доби и највисокото индивидуално признание. Пред пет години беше прогласен за најдобар играч во светот.
Сè уште се чека неговата одлука дали ќе продолжи да настапува за хрватската репрезентација.
