Хрватскиот фудбалски репрезентативец Лука Модриќ слави јубилеј на социјалните мрежи.
Ја премина бројката од 20 милиони следбеници на Instagram, па реши својата публика да ја награди со дресови. Следбениците имаа задача да означат двајца пријатели кои ќе ги добијат дресовите, а на познатите личности не им требаше многу време за да искоментираат.
Реагираше Матео Ковачиќ кој ги означи Дејан Ловрен и Марцело Брозовиќ. Ловрен во коментар одговори: „Избриши го овој, тагни ме мене двапати. До месечината и назад“, додека дефанзивецот на Зенит во вториот коментар двапати го означи Брозовиќ.
Бензема реагираше со огнени емотикони, а интересно е што во акцијата се вклучи и Реал Мадрид, кој ги тагна Касемиро и Тони Крос. Се појави и Младен Петриќ кој го означи Иван Ракитиќ.