Како што пренесуваат медиумите на островот, Шпанецот е незадоволен и ова лето ќе го напушти тимот на Челзи, после само една година откако пристигна како големо засилување на „Стемфорд Бриџ“.
Напаѓачот на Челзи, Алваро Мората, според најновите информации кариерата би можел да ја продолжи во својот поранешен клуб - Јувентус.
Факт е дека Шпанецот не се снајде најдобро во Лондон, самиот призна дека вториот дел од сезоната го играше повреден, дека притисокот е преголем, а Јувентус е неговиот втор дом.
„Калчо Меркато“ пренесува дека Мората прифатил и значително пониска плата, само за да потпише со Јувентус.
Мората во Челзи заработува околу девет милиони евра, додека најплатениот играч на „Старата дама“, Гонзало Игуаин, заработува плата од седум и пол милиони евра.
Јасно е дека Јувентус не е во состојба да му даде толкава плата на Мората, но лесно би можел да се договори со играчот кој уживаше играјќи во дресот на италијанскиот гигант.
Мората, своевремено стигна во Јуве од Реал Мадрид за 20 милиони евра, а за две сезони, односно од 2014 до 2016 година, даде 27 гола на 93 натпревари.
Мората со доаѓањето на Жиру падна во втор план, повеќе не е прв избор иако треба да се почека и расплетот со Антонио Конте, односно неговиот евентуален заменик.
Јувентус го посакува Мората како алтернатива за Манџукиќ, кој е на чекор од заминување, па останува да ја почекаме разврската од оваа трансфер сага.