Малиот остров Спиналонга, каде пред 50 години живееше колонија на заболени од лепра (Кожна заразна болест при која кожата се лупи и на неа се отвораат живи рани), моментално важи за една од најголемите знаменитости на Крит.
Спиналонга е втората најпосетена историска знаменитост на Крит, веднаш по археолошкото наоѓалиште Кносос, а во јули и август минатата година, повеќе од 4.000 луѓе го посетија овој остров.
Всушност, островот се најде и на листата на „Daily Mail“, каде се вбројува во топ 10 најморничави места на земјата.
Островот кој се наоѓа во заливот Елунда, на североисточната страна од Крит, го населуваше колонија на заболени од лепра, од 1903 година, па се до 1957 година. Последниот жител на овој остров беше свештеник, кој го напушти островот во 1962 година.
Од 1976 година, благодарение на напорите на грчкото Министерство за култура, Спиналонга е под заштита на УНЕСКО, а од оваа организација беа воодушевени и од мноштвото на уметнички дела.
Едно од нив е од книга од 2005 година на Викторија Хислоп, под наслов „Остров“, по која е снимена и истоимена телевизиска серија. И Британците, исто така, инспирирани од оваа приказна снимија серија под назив „Who pays the Ferryman“.
Погледнете ја единствената снимка од 1935 година, кога островот беше населен со лица заболени од лепра: