Москва е еден од најхаотичните градови кога станува збор за бројот на автомобили на улиците во прашање, а и покрај константните мерки за реорганизација на сообраќајот и изградба на нови патишта, гужвите не се намалуваат.
Според најновите проценки на лидерите на руската престолнина, на улиците во Москва секојдневно има 3.6 милиони автомобили, а се проценува дека за непречено одвивање на сообраќајот без гужви оптималниот број изнесува од 3 до 3.1 милиони возила.
Тоа значи дека на улиците на Москва во секој момент има околу половина милион автомобили повеќе, отколку што сообраќајната мрежа во оваа метропола е способна да прими за нормално да функционира.
Вкупниот број на регистрирани автомобили во Москва и московскиот регион е уште поголем, дури 7.2 милиони возила.
Во Москва има околу 340 автомобили на 1.000 жители, а врз основа на вкупната површина на градот на секое возила му припаѓаат околу 25 квадратни метри.
Сепак, тоа не е најголемиот проблем на Москва, туку тоа што се очекува и понатаму растење на бројот на автомобили во градот.
Од 2010 до 2016 година, тој број е зголемен за околу 4.2 милиони, додека до 2020 година се очекува да се дојде до цифра од 5 милиони, односно 800.000 возила во рок од следните две години.