Напливот на хормони што стои зад менструалниот циклус не влијае само на репродуктивната анатомија - тие исто така го преобликуваат мозокот.
Научници од САД следеле 30 жени за време на менструалниот циклус и детално ги документирале структурните промени кои настануваат во мозокот при промената на хормоналниот профил.
Наодите покажуваат дека структурните промени во мозокот за време на менструацијата најверојатно не се ограничени на регионите поврзани со менструалниот циклус.
„Ова се првите резултати за истовремени промени во микроструктурата на церебралната бела материја и дебелината на церебралниот кортекс што се совпаѓаат со хормоналните ритми на менструалниот циклус“, пишуваат научниците.
Тие откриле дека микроструктурата на белата маса, густата мрежа на невронски влакна кои пренесуваат информации помеѓу регионите на сивата материја, се менува со хормоналните промени, вклучително и пубертетот, употребата на орални контрацептиви и хормонска терапија, пишува Science Alert.
Научниците спроведоа магнетна резонанца на испитаниците за време на три менструални фази: менструација, овулација и средна лутеална фаза. Тие го мереле и нивото на хормоните. Резултатите покажаа дека како што флуктуираат хормоните, волуменот на сивата и белата материја, како и волуменот на цереброспиналната течност се менуваат.
Конкретно, непосредно пред овулацијата, кај испитаниците е забележана промена на белата маса, што укажува на побрзо пренесување на информации. Хормонот за стимулирање на фоликулите, кој се зголемува пред овулацијата и помага во стимулирање на фоликулите на јајниците, беше поврзан со погуста сива материја. Прогестеронот, чие ниво се зголемува по овулацијата, е поврзан со зголемување на ткивото и намален волумен на цереброспиналната течност.
Сè уште не е познато како овие промени конкретно влијаат на функцијата на мозокот, но ова истражување може да помогне да се расветли механизмот зад предменструалниот синдром (ПМС), збир на симптоми кои се појавуваат циклично кај жените во зависност од фазите на менструалниот циклус во форма на психолошки и физички поплаки.
Истражувањето Menstrual cycle-driven hormone concentrations co-fluctuate with white and grey matter architecture changes across the whole brain можете да го прочитате ТУКА.
