Сега веќе поранешниот претседател на Зимбабве Роберт Мугабе пред оставката постигнал договор според кој тој и неговата сопруга Грејс ќе добијат најмалку 10 милиони долари.
Договорено e и членовите на неговото семејство да добијат гарантиран имунитет од кривично гонење.
За сега не е позната точната сума која ќе ја добијат Мугабе и сопругата, но висок функционер од владејачката партија ЗАНУ – ПФ, кој е запознат со компромисот, изјави дека вкупната сума нема да биде помала од 10 милиони евра.
Тој вели дека на Мугабе веднаш ќе му бидат исплатени пет милиони долари во готовина, а останатите пет наредните неколку месеци.
93 – Годишниот Мугабе доживотно ќе добива и плата во износ од 150.000 долари, додека 52- годишната Грејс Мугабе после неговата смрт ќе продолжи да прима половина од таа плата.
На Мугабе му е гарантиран имунитет од гонење, како и тоа дека никаква акција нема да биде преземена против бизнис интересите на неговото семејство.
Роберт и Грејс ќе останат да живеат во својата огромна резиденција како и досега, а државата ќе им плаќа државна заштита, послуга, обезбедување и патување во странство.
После 37 – годишното владеење на Мугабе Зимбабве е во големи долгови, валутата е безвредна, народот е значително осиромашен, а стапката на невработеност е поголема од 80 отсто. Патиштата се многу лоши, многу рурални заедници немаат струја, а здравствена заштита речиси и да нема. Очекуваниот животен век во земјата е 60 години, еден од најниските во светот.
Мугабе беше сменет од власта после низа на настани кои започнаа на 6 ноември, кога тој го смени потпретседателот Емерсон Мнангагва, еден од своите најблиски соработници.
Потоа војската ја презема контролата над земјата и го стави Мугабе во домашен притвор, кој си поднесе оставка на 21 ноември после силниот притисок на војската, а Мнангагва во петокот стана претседател на Зимбабве.