Сопствениците на Рома се незадоволни од играта и резултатите на тимот под водство на Жозе Мурињо и се подготвени да ја прекинат соработката со португалскиот стручњак, пренесува Sportmediaset.
Според овој извор, доколку Мурињо добие отказ, на клупата ќе седне клупската легенда Даниеле Де Роси.
Рома по поразот во купот од градскиот ривал Лацио (1:0) беше поразена и од Милан (3:1) во последното коло од Серија А. Рома во 20 натпревари во Серија А веќе има 7 порази и се наоќа на деветтото место на табелата со 29 бодови.
Интересно, против конкурентите кои се борат за пласман во европските купови, Рома од можните 24, освои само 6 бода.
Де Роси играше за Рома од 2001 до 2019 година. Вкупно, тој настапи на 616 натпревари, постигна 63 гола и забележа 60 асистенции. Беше дел од репрезентацијата на Италија која ја освои светската титула во 2006 година.
Неговата тренерска кариера е кратка. Ја започна во второлигашот СПАЛ во октомври 2022 година, а оттаму беше отпуштен во февруари 2023 година, откако на 17 натпревари забележа 3 победи, 6 нерешени и 8 порази.
