Не само што се подготвува побрзо од класичната мусака, туку и пократко се пече, па е одлична идеја за брз ручек.
Мусаката често многумина ја подготвуваат бидејќи е едноставна и секому успева. Сега можете уште повеќе да скратите на времето за готвење бидејќи не треба да пржите месо, туку наместо него додавате шунка. Лесно и брзо на маса ќе имате топол ручек за цела фамилија.
Потребни состојки:
- 1 кг компири
- 2 главици кромид
- 120 гр шунка
- 3 лажици пармезан
- 3-4 лажици брашно
- 150 мл павлака за готвење
- презла
- сол
- масло
Подготовка:
Компирите исечкајте ги на кругчиња и посолете ги. Кромидот исечкајте го на коцки, па пропржете го. Во компирите додадете пармезан, сечкана шунка, пропржен кромид, павлака зџа готвење, брашно и добро измешајте. Тавата намачкајте ја со масло и посипете ја со презла. Сипајте ја смесата и убаво израмнете. печете на 180°C околу 50 минути.
