По три месеци, музејот Лувр ќе ги отвори вратите за посетителите, под строги правила за заштита од коронавирус.
Мерките за заштита ќе останат во сила најрано до септември. Посетителите треба да носат заштитна маска и да држат дистанца.
Пред сликата на Мона Лиза се поставени столпчиња и ленти, со цел да им се дозволи на посетителите да го зачуваат растојанието.
Резервацијата на влезницата се советува да се направи преку интернет, бидејќи само таа гарантира влегување во музејот, освен ако музејот нема продадено 400 влезници за секој половина час на влегување, тогаш туристите ќе можат да купат влезница на самиот влез.
Дневно се очекуваат меѓу 8 и 10.000 посетители, наместо вообичаените 40.000.
Лувр е еден од најпосетените музеи во светот со 10 милиони посетители, дури 75 проценти се странски туристи.