Филм & ТВ
КОБИ Vs. КОБИ

MVP – краток анимиран филм инспириран од легендата Коби Брајант

12. февруари 2020 - 16:47 | А.С.

Полското студио за анимација FUMI Studio објави краток анимиран филм инспириран од кошаркарската легенда Коби Брајан кој почина минатиот месец во хеликоптерска несреќа.

„Кошаркарскиот шампион се бори против својот најголем непријател – самиот себе. MVP е краток анимиран филм за надминувањето на своите слабости и борбата против препреките со кои се соочуваме“, стои во описот на видеото.

„Одлучивме да го користиме бројот на дрес 28, бидејќи станува збор само за инспирација. За нас, секој може да биде Црната Мамба. Тоа не е само име или број, тоа е избор за начинот на кој живееш и како си станал најдобрата верзија на себе“, пишуваат авторите.

Режисер и аниматор на MVP е 35-годишниот Артур Маркол, а продуценти се Пјотр Фурманкиевич и Матеуш Мишалак.

Филмот ги има освоено следните награди: Special Mention (Baltic Independent Film Festival), Cartoon Kids Award (Cartoon Club Festival of Animation Cinema and Comics), Special Mention in the Children's Category (Anima Cordoba International Animation Festival) и Hollywood Eagle Animation Award (20th Polish Film Festival in Los Angeles).

Во 2018 година Коби Брајант освои Оскар за краткометражниот анимиран филм „Dear Basketball“, базиран на неговата проштална порака, кога се повлече од кошарката во 2015 година. Филмот го направи заедно со аниматорот на Disney, Глен Кејн.

Коментирај