Натпреварувањето во скок во далечина никогаш повеќе нема да биде исто ако се суди според актуелните најави кои доаѓаат од светот на светската атлетика.
Имено, на неодамна завршеното Светско првенство во Будимпешта, забележан е несекојдневен скок на Јамајканецот Кери МекЛиод (25), кој падна директно на глава.
МекЛиод всушност се сопна за време на подготовката, а при доскокот за жал се повреди.
Ситуацијата извесно време беше предмет на потсмев на социјалните мрежи каде Јамајканецот го доби и прекарот Супермен.
Сепак, луѓето од светската атлетика многу посериозно ја сфатија целата ситуација, па ќе има коренити промени.
Планот е да се модифицира линијата (даската) од која скокаат спортистите по земањето залет на таков начин што ќе ја намали можноста за несакани ситуации како онаа спомената во Будимпешта.
Не се знае како ќе изгледа сето тоа и што точно ќе биде различно, но јасно е дека на тоа ќе се работи во најкус можен рок.
