Во НБА, особено во Западната конференција, би се рекло – ништо ново. Лука Дончиќ и Никола Јокиќ продолжија да им носат победи на Далас и Денвер, а интересно е што нивните екипи синоќа постигнаа идентичен број на поени, по 142.
Далас Маверикс победи на гостувањето кај Детроит Пистонс со 142:124, а Лука Дончиќ забележа трипл-дабл.
Одличниот Словенец мечот го заврши со 39 поени, 10 скока и 10 асистенции, со што Дончиќ го престигна Расел Вестбрук и стана првиот играч во историјата на НБА кој забележал трипл-дабл со најмалку 30 поени во 6 последователни натпревари.
На другата страна не помалку впечатлив беше Кејд Канингем со 33 поени, 9 скока и 10 асистенции.
Денвер Нагетс на домашен терен ја победи Јута Џез со 142:121, а Никола Јокиќ запиша 26 поени, 6 скока и 8 асистенции.
Само Џамал Мареј со 37 поени беше поефикасен од него во редовите на Денвер.
Ни дабл-даблот на босанскиот центар Јусуф Нуркиќ не беше доволен за Феникс Санс да го победи лидерот Бостон Селтикс. Нуркиќ натпреварот го заврши со 11 поени, 11 скока и 4 асистенции, а феноменалниот Кевин Дурент постигна 45 поени со 10 скока и 6 асистенции.
Одличен беше и Бредли Бил со 25 поени, но ниту тоа не му помогна на Феникс да го избегне поразот број 27 сезонава.
Во редовите на најдобриот тим на Источната конференција најдобри беа Џејсон Тејтум со 29 поени, 10 скока и 7 асистенции и Џејлен Браун со 27 поени.
Резултати:
Лос Анџелес Клиперс - Чикаго Булс 112:102
Шарлот Хорнетс - Бруклин Нетс 110:99
Детроит Пистонс - Далас Маверикс 124:142
Голден Стејт Вориорс - Сан Антонио Спарс 113:126
Феникс Санс - Бостон Селтикс 107:117
Денвер Нагетс - Јута Џез 142:121
Портланд Треил Блејзерс - Торонто Репторс 128:118 (прод.)
Табела:
