Над 250.000 луѓе досега починале од пандемијата на коронавирусот во светот, покажува истражување на Reuters и универзитетот Џонс Хопкинс.
Поголемиот дел од новите смртни случаи и зарази пријавени во последниве денови доаѓаат од Северна Америка и европските земји, но бројот се зголемува и во помали бази во Латинска Америка, Африка и Русија, пренесе Guardian.
На глобално ниво, во изминатите 24 часа регистрирани се 3.062 нови смртни случаи и 61.923 новозаразени, со што вкупниот број достигна 3,58 милиони.
Според податоците на Worldometers, досега во светот се починати 252.442 луѓе како последица од коронавирусот. Најлоша е ситуацијата во САД, каде бројот на починати е 69.929, додека над 1,2 милиони луѓе се заразени.
Експертите изразија загриженост дека достапните податоци го намалуваат вистинското влијание на пандемијата, наведe британскиот весник.