Температурните разлики, само во текот на еден ден од пролетни до температури до минус нулата, облачно, врнежливо, ветровито и снежно време, имаат неповолно влијание на организмот.
Оние кои ја чувствуваат предстоечката промена на времето го чувствуваат тоа дури до 48 часа однапред. Периодот на прилагодување на негативни временски ситуации е два до три дена, тврдат експертите.
Човековиот организам не може бргу да се подготви и адаптира на нови временски услови поради што и големите температурни разлики во само еден ден се и најопасни.
Истражувањата за влијанието на времето покажале дека тие се најчеста појава за срцеви, мозочни удари и астматични напади.
„Кога е ниска температурата доаѓа до промени во организмот, а тоа делумно може да го забави и протокот на крвта низ крвните садови, што може да доведе до намалување на снабдувањето со кислород. Тоа кај луѓето може да доведе до големи проблеми, а неретко и до инфаркт“, пишува во едно истражување на оваа тема.
Проблемите ги чувствуваат и млади лица и деца.
Како најчести проблеми кои се создаваат се респираторни инфекции, воспалување на белите дробови, бронхитис, вртоглавица, главоболка и несоница.
Експертите советуваат земање на терапија, намалена физичка активност и задолжително да се посети доктор.
