Сте одлучиле да водите здрав начин на живот и да изгубите неколку килограми, но сепак не можете да ги постигнете посакуваните резултати? Можеби следите погрешен или застарен совет. Ова се едни од најчестите грешки што луѓето ги прават додека се обидуваат да ослабат.
Важно е да се запамни дека бројот на вагата е само една мерка за одредување на промената на тежината. Всушност, тежината е под влијание на неколку работи, како што се флуктуација на течности и количина на храна што се задржува во вашето тело. И бројот на вагата да не се променил, сепак може да изгубите тежина, но притоа сте задржале течност.
Кога тоа ќе се случи, вашата облека станува голема, особено во пределот на половината, дури и ако бројот останал ист. Мерењето на половината со лента и месечно фотографирање можат да ви помогнат да видите дали сте изгубиле тежина и покрај фактот што вагата не покажува такво нешто.
Можеби консумирате здрава, но висококалорична храна како риба и ореви. Внесот на умерена количина храна е клучен. Од друга страна, преголемото намалување на внес на калории може да биде контрапродуктивен. Истражувањата за нискокалорични диети сугерираат дека тие можат да доведат до губење на мускулите и значително да го забават метаболизмот.
„Диеталната“ храна често се смета за здрав избор за губење на тежината, но ефектот може да биде спротивен. Многу од овие производи се полни со шеќер бидејќи целта е да се подобри вкусот. Ниските маснотии можат да ве направат гладни и на крајот ќе јадете повеќе отколку што му е потребно на вашето тело.
Изберете комбинација од хранлива, минимално обработена храна. Секогаш кога е можно, јадете овошје и зеленчук, кои вклучуваат конзервирани и замрзнати видови. Тие природно имаат помалку маснотии, но се полни со хранливи материи.
Една од најчестите грешки е тоа што не консумирате доволно протеини. Збогатете ја вашата исхрана, која не мора секогаш да се ограничува само на месо или млечни производи. Грав, мешунки, киноа и ленено семе се исто така одлични опции.
Кетогената диета и исхраната со малку јаглени хидрати може да бидат многу ефикасни. Тие овозможуваат неограничен внес на маснотии, под претпоставка дека потиснувањето на апетитот ќе биде доволен за слабеење. Сепак, некои луѓе не чувствуваат кога треба да престанат да јадат.
Долги години се советува да се јаде на секои неколку часа за да се спречи глад и пад на метаболизмот. Сепак, ова може да доведе до внесување на повеќе калории отколку што му е потребно на вашето тело во текот на денот. Јадењето само кога сте гладни е клучно за ефикасно губење тежина.