Светски познатиот фудбалер Кристијано Роналдо освен што е во врвна кондиција и е одличен спортист, тој во секоја прилика открива дел од неговите тајни за успех во животот.
Ова се дел од најдобрите фитнес совети од Роналдо:
1. Не престанувајте со вежбање дури и кога ќе заминете од теретана
„Вежбајте секогаш кога можете. Може да правите стомачни наутро кога ќе се разбудите или навечер пред да си легнете. Ако тоа ви влезе во рутината лесно ќе ви стане навика“, изјави фудбалерот во 2015 година.
2. Секогаш правете од сè по малку
„Препорачувам комбинација од кардио и тренинг со тегови за да ги вежбате сите делови од телото и со тоа да ги зголемите силата и издржливоста. На тој начин и тренинзите ги правите поинтересни“, смета Роналдо.
3. Спијте преку ден и рано легнувајте
Роналдо посветува многу внимание за тоа колку спие и кога спие. Неговата опсесија оди толку далеку што одмора пет пати во денот. Освен тоа, час и половина пред спиење ги исклучува сите уреди, вклучително и телевизорот.
4. Тренирајте во друштво
„Тренингот во пар е секогаш добра идеја бидејќи додава натпреварувачки дух и ве тера да вежбате повеќе. Најдете некој со слична форма како вашата па така ќе се поддржувате еден со друг“, вели фудбалерот.
5. Загревање пред тренинг
Загревањето превенира повреди, а тоа му е добро познато на Роналдо.
„На секој тренинг прво трчаме неколку круга, потоа правиме вежби за истегнување и кардио загревање. Секако може да направите нешто слично“, предлага тој.
6. Оладете се со пливање
Фудбалерот има и режим по вежбањето. Додека другите играчи сакаат да седат пред телевизор, Роналдо веднаш оди пливање во базен за да го олади телото
7. Не бидете строги кон себеси
Роналдо советува секогаш да најдете време за опуштање
„Вежбањето е важно, но опуштањето помага да бидете најдобрата верзија од себе, физички и ментално. Ја слободното време сакам да го минувам со семејството и пријателите“, вели тој.
