Новиот електричен модел на Tesla кој ќе биде најмал во понудата може сериозно да ги здрма класичните автомобилски компании.
Илон Маск уште минатата година најави дека постои идејата за мало возило од Tesla, а најновите информации говорат дека моделот кој уште нема име ќе биде поевтин од малите електрични автомобили на конкурентите.
Тајната на успехот се крие во батеријата која ќе има 50% пониски трошоци за прозводство, а воедно ќе има неколку пати поголем капацитет за складирање на енергија и ќе овозможува поголема автономија на движење - најмалку 400 километри.
Според официјалната скица од возилото, дизајнот има сличности со Model 3, со изразено двоволуменски облик на компактен автомобил.
Најважното - основната цена на најмалата Tesla би требало да биде околу 23.000 евра.