Тениската ѕвезда Наоми Осака е дел од новата колекција на Victoria's Secret, со иницијатива да ја истакнува приказната на жените од различни средини.
„Детали од новата колекција на VS ме инспирираа да се придружам на овие исклучителни жени“, изјави Осака. „Кога бев помлада ги посетував нивните продавници и често се прашував зошто не изгледам како жените од нивните насловни страници. Сега, заедно ќе ги инспирираме идните генерации од сите страни, култури и со различен изглед. Тоа за мене е огромен чекор“, додава таа.
Осака ќе им се придружи на моделите Палома Елсесер, Валентина Сампајо и Хејли Бибер, како и на атлетичарките Меган Рапино, Ејлин Гу и други.
Главната дизајнерка на VS, Џејни Шејфер изјави дека Наоми е тотално природен избор.
„Таа зрачи со позитивна енергија и ги инспирира жените ширум светот со нејзината храброст, одлучност и искреност. Почестени сме што Наоми ќе биде дел од нашиот тим, нашата цел е да се движиме кон позитивни промени“, изјави Шејфер.
За почеток, Наоми ќе гостува во поткаст на VS Voices во кој ќе зборува за нејзината кариера, менталното здравје, но и за Коби Брајант и за Серена Вилијамс.
