Славната тенисерка Наоми Осака објави дека е бремена и не планира да игра пред 2024 година.
Осака на социјалните мрежи соопшти дека е бремена, по што и стана јасно зошто претходно го откажа настапот на Австралија опен.
„Овие неколку месеци надвор од спортот ми дадоа нова љубов и благодарност за играта на која ѝ го посветив животот. Сфаќам дека животот е краток и ништо не земам здраво за готово. Секој ден е благослов и авантура“, наведе 25-годишната тенисерка.
„Една работа што навистина многу ја сакам е моето дете да гледа еден од моите мечеви и некому да каже тоа е мајка ми“, додаде Осака со фотографија од ултразвук.
Осака моментално е на 47 место на АТП листата, а од 2019 година е во врска со американскиот рапер Кордеј.
