Американската вселенска агенција НАСА соопшти дека успеа обидот да исфрлат астероид од неговата природна орбита.
Научниците потврдија дека орбитата, широка 160 метри на астероидот Диморфос, е променета откако сондата DART удри во неа минатиот месец, пренесе BBC.
До овие заклучоци е дојдено по мерења со помош на различни вселенски телескопи. Целта на мисијата е да се тестира потенцијална стратегија за одбрана на Земјата од објекти кои се закана за безбедноста.
Достигнувањето на НАСА покажа дека идејата е успешна, под услов да започне акцијата доволно рано и целта да не е претерано масивна.
„Оваа мисија покажа дека НАСА се обидува да биде спремна за сѐ што вселената ќе фрли на нас. Верувам дека НАСА докажа дека сме сериозни како бранители на планетата“, изјави Бил Нелсон, шеф на агенцијата.
