За престижната награда Golden Boy на италијански Tuttosport листата финалисти се скрати на 40, а главни фаворити се Винисиус Жуниор, Жуау Феликс и Џејдон Санчо.
Tuttosport ја објави финалната листа на кандидати за најдобар играч до 21 година. Оваа награда се доделува од 2003 година, а досега пообедници биле играчи како Вејн Руни, Лионел Меси, Серхио Агуеро, Марио Балотели, Пол Погба, Килјан Мбапе и Матајс де Лихт.
На листата од 40 финалисти има многу имиња на одлични играчи, а како главни кадидати за победа оваа година се издвојуваат Винисиус Жуниор од Реал Мадрид, Жуау Феликс од Атлетико и Џејдон Санчо од Борусија Дортмунд.
Кратењето го преживеа и нашиот Елиф Елмас кој и натаму се наоѓа на листата и конкурира во финалниот избор.
Во гласањето ќе учествуваат 40 новинари од Италија (Tuttosport, Corriere dello Sport, La Gazzetta dello Sport, Rai, Mediaset, Sky, LA7 и DAZN), Франција (L'Equipe), Шпанија (Marca), Германија (Bild), Обединето Кралство (Times), Португалија (A Bola), Холандија (De Telegraaf), Русија (Спорт-Экспресс), Шведска (Aftonbladet), Швајцарија (Blick) и Грција (SportDay) како и навивачите преку интернет.
Вашиот глас можете да го дадете кликнувајќи тука.
Имињата на 20-те најдобри ќе бидат објавени на 15 октомври, а кратко потоа и на победникот.
