Германските научници неодамна еден вид бактерии кои убиваат габи именуваа по актерот Киану Ривс.
Како што се наведува во соопштението, еден вид бактерија од родот Pseudomonas именувана како Keanumicini, по актерот Киану Ривс, се бори против габични заболувања на растенијата и габи патогени за луѓето. Та е безопасна за растителните и човечките клетки, што ја прави еколошки прифатлива алтернатива на хемиските пестициди.
„Липопептидите убиваат толку ефикасно што ги именувавме по актерот Киану Ривс, бидејќи тој е исто така исклучително смртоносен во своите улоги“, вели Зебастиан Гетце, истражувач во германскиот Институт за истражување на природни производи и биологија на инфекции во Лајбниц.
Ова име, избрано од германските научници, беше објавено уште во јануари годинава во списанието на Американското хемиско друштво и повторно се најде на насловните страници откако еден од обожавателите на Ривс го праша актерот што мисли за тоа.
Ривс во таа прилика се пошегувал и одговорил дека овој вид бактерии требало да го именуваат по неговата улога на Џон Вик. Овој 58-годишен канадски актер на крајот им се заблагодарил на научниците за сѐ што прават со нивните истражувања.
Ликот на Џон Вик е од истоимениот акционен трилер „John Wick“ од 2014 година за платен убиец кој тргнува во одмазда по оние што му го убиваат кучето, негов последен подарок од покојната сопруга. Иако направен без планови за продолженија, поради огромниот успех филмот доби две продолженија, а третото ќе излезе годинава. Има и спиноф серија и филм кој допрва треба да излезат.