Доколку откриеме постоење на интелигентен живот надвор од Земјата, првото прашање кое најверојатно ќе го поставиме е „Како може да комуницираме?“
Минаа скоро 50 години од првиот обид човештвото да испрати порака способна да биде сфатена од страна на вонземска интелигенција, а НАСА во соработка со некои врвни научни умови детално го опиша новиот дизајн на порака наменет за вонземјани.
Претходно, пораката вклучуваше само бинарен код, како и фотографии од Сончевиот систем и ДНК секвенци. Овој пат, пораката е на повисоко ниво, истата е на 13 страници и треба да биде основен вовед во математика, хемија и биологија. Тука се и други графички информации кои ќе соопштат некои основни принципи и карактеристики на нашиот свет, вклучително и космички информации кои би можеле да им помогнат на вонземјаните да ја пронајдат Земјата во Млечниот пат.
Истражувачите направија детален план за најдоброто време во годината за емитување на пораката. Преносот содржи и дизајнирана повратна адреса која ќе им помогне на вознемјаните да ја одредат нашата локација за почеток на евентуален меѓуѕвезден разговор.