Во последно време, луѓето обрнуваат поголемо внимание на менталното здравје, во кое се вклучени нашата психичка и социјална благосостојба, како и емоционалното здравје.
Многу фактори имаат улога кога станува збор за менталното здравје, некои може да ги контролирате, но некои како генетиката, животните искуства и семејната историја е невозможно .
Способноста да влијаете на менталното здравје е важна бидејќи влијае на целокупната состојба на организмот и правилното функционирање.
„Менталното здравје помага во одредување на начинот на кој се носите со стресот, односите со другите и носењето одлуки“, објаснува за Healthline Алисон Сепонара, лиценциран советник.
Создавањето навики кои влијаат на подобро ментално здравје може да направи голема разлика во секојдневниот живот.
Спиењето не е важно само за физичкото здравје, игра голема улога и во менталното здравје. Квалитетниот сон е многу важно бидејќи наручувањата во сонот можат да придонесат за симптоми на лошо ментално здравје.
Постојаните посети на социјалните мрежи и собирањето информации за животите за другите луѓе може да доведе до тоа некој да се споредува што го зголемува чувството на анксиозност и депресија.
Луѓето се социјални суштества и силните врски меѓу нив можат на различни начини позитивно да влијаат на вашето ментално здравје. Пријателствата можат да го намалат чувството на осаменост.
Вежбањето нуди низа предности за менталното здравје, како ослободување од стрес, подобрување на расположението, помага побрзо да заспиете и слично.
Одредена храна може да влијае на вашето ментално здравје. Обидете се да ја збогатите исхраната со храна која е богата со хранливи материи како што се банани, грав, интегрални житарки, риба и слично
Сонцето е одличен извор на витамин Д, а студиите покажуваат дека може позитивно да влијае на расположението.