На навивачите на Манчестер Јунајтед тешко им падна вчерашниот пораз од Атлетико на „Олд Трафорд“, што значеше и испаѓање од Лигата на шампионите, а бесот го истурија врз гостинскиот тренер Диего Симеоне.
Имено, аргентинскиот стручњак веднаш по победата истрча во тунелот, а додека се приближуваше кон влезот кон него полетаа еден куп предмети, како и некои пијалаци.
Претходно во натпреварот, Симеоне со тактичко совршенство целосно ги неутрализираше Кристијано Роналдо и неговите избраници во реваншот на „Олд Трафорд“, со неговата препознатлива „анти“ фудбалска тактика.
На крајот Атлетико славеше со 1:0 благодарение на погодокот на бразилскиот дефанзивец Ренан Лоди постигнат на 4 минути пред паузата. Со оглед на тоа што првиот натпревар во Мадрид заврши 1:1, ова значеше вкупно водство за Атлетико, па Симеоне ги затвори сите приоди кон голот на Јан Облак. Во второто полувреме Манчестер ја имаше топката, но успеа да упати само еден удар во рамките на голот.
Најголемата, односно единствената шанса за израмнување во вториот дел ја имаше Рафаел Варан кога во 77. минута биеше со глава, но Облак одлично одбрани.
Така, Атлетико избори пласман во четвртфиналето на Лигата на шампионите и со тоа уште еднаш ја шокираше Европа.
