Од вчерашните 7 натпревари, најмногу возбуда донесоа Бостон Селтикс и Голден Стејт Вориорс, кои со пресврти успеаја да дојдат до победа.
Кајри Ирвинг промаши само 2 шута од поле, и мечот го заврши со 30 поени.
Бостон Селтикс стигна до победа против еден од најлошите тимови во НБА, Атланта Хокс. Конечниот резулат беше 110:99.
Атланта Хокс го имаа водството повеќе од три четвртини, но тогаш Селтикси уфрлија во втора брзина и стигнаа до пресврт, кој подоцна им донесе победа.
Најефикасен на дуелот беше Кајри Ирвинг со 30 поени, а тимот на Атланта го предводеше Денис Шродер со 23 поени.
Филаделфија Сиксерс дадоа голем отпор во натпреварот против Голден Стејт Вориорс, но на крајот сепак загубија со 124:116.
Сиксерси го имаа водството во првото полувреме, но потоа Вориорси се разбудија и во третата четвртина постигнаа 47 поени, а им дозволија на противниците да постигнат само 15, со што ја преземаа контролата над натпреварот.
Стартерите на Филаделфија и овојпат беа одлични, и сите од нив беа двоцифрени, но сепак најефикасен на мечот беше Стеф Кари со 35 поени.
Останати резултати:
Шарлот Хорнетс – Лос Анџелес Клиперс 102:87
Орландо Меџик – Јута Џез 85:125
Мемфис Гризлис – Хјустон Рокетс 83:105
Далас Маверикс – Милвоки Бакс 111:79
Портланд Трејл Блејзерс – Сакраменто Кингс 102:90
