Дури 12 натпревари беа на програмата синоќа во НБА лигата, а љубителите на добрата кошарка имаа можност да уживаат во возбудливи натпревари. Посебно добар впечаток остави дуелот помеѓу Голден Стејт Вориорс и Портланд Трејл Блејзерс, во кој актуелниот шампион изненадувачки беше поразен.
Портланд Трејл Блејзерс триумфираа на домашен терен над актуелниот шампион Голден Стејт Вориорс со резултат 123:117.
Ниту 50-те поени на Кевин Дурент не беа доволни за Вориорс да избегнат пораз на гостувањето кај Портланд Трејл Блејзерс. Четворица од стартерите на Вориорс завршија со двоцифрен број поени, додека Заза Пачулија, кој беше петтиот стартер, имаше само 1 поен на крајот од натпреварот. Стеф Кари и Клеј Томпсон уфрлија по 17 поени, а и двајцата шутираа неефикасно од поле.
На другата страна, кај победничкиот тим најдобар играч беше Демијан Лилард, кој постигна 44 поени, а притоа додаде и 8 асистенции. Голема помош му понуди Си Џеј МекКалум, кој постигна 29 поени, а Босанецот Јусуф Нуркиќ го заврши мечот со 17 поени и 13 скока.
Останати резултати:
Детроит Пистонс – Атланта Хокс 104:98
Орландо Меџик – Шарлот Хорнетс 102:104
Филаделфија Сиксерс – Мајами Хит 104:102
Бруклин Нетс – Индијана Пејсерс 103:108
Њујорк Никс – Вашингтон Визардс 113:118
Бостон Селтикс – Лос Анџелес Клиперс 119:129
Чикаго Булс – Торонто Репторс 98:122
Хјустон Рокетс – Сакраменто Кингс 100:91
Мемфис Гризлис – Оклахома Сити Тандер 114:121
Њу Орлеанс Пеликанс – Лос Анџелес Лејкерс 139:117
Јута Џез – Феникс Санс 107:97
