Актуелниот НБА шампион Кливленд се наоѓа во криза откако минатата ноќ го забележа третиот последователен пораз. Чикаго го порази Кливленд 111:105.
Големата тројка на Кливленд одигра на посакуваното ниво во Чикаго, но не доби поддршка од останатите играчи. Чикаго лесно се справи со шампионот иако резултатот не го покажува тоа. Во еден период од мечот Булси имаа предност и од 18 поени.
Режон Рондо оствари трипл дабл (15 поени, 11 скокови, 12 асистенции) и беше витински лидер на Чикаго иако тројца други играчи постигнаа преку 20 кошеви: Џими Батлер 26, Двејн Вејд 24 и Таж Гибсон 23 поени на кои придодаде 11 скокови.
Кај Кливленд Леброн Џејмс забележа 27 поени и 13 асистенции, Кајри Ирвинг 20 поени, а Кевин Лав 15 поени.
Кливленд со скор 13-5 остана лидер во Источната конференција, додека Чикаго е на третото место и има два порази повеќе од шампионот.
Резултати: Филаделфија-Орландо 88:105, Бостон- Сакраменто 97:92, Торонто- ЛА Лејкерс 113:80, Њу Орлеанс-ЛА Клиперс 96:114, Сан Антонио-Вашингтон 107:105, Денвер-Хјустон 110:128, Атланта-Детроит 85:121, Њујорк-Минесота 118:114.
