Лошиот здив може да ви го загрози љубовниот или сексуалниот живот. За да спречите вакви непријатни ситуации, еве неколку совети како да се ослободите од непријатниот здив.
Недостатокот на вода во организмот може да предизвика непријатен здив бидејќи бактериите кои живеат во устата имаат тенденција да се размножуваат кога устата е сува. Тоа доведува до намалено излачување плунка. Водата може да го намали лошиот здив.
Алкохолот е диуеритик што значи дека ве дехидрира и ја суши устата. Намалувањето на плунката ја ограничува способноста на устата да се исчисти, предизвикувајќи прогрес на бактерии. Алкохолот исто така може да предизвика рефлукс на киселина поради што желудочната киселина се излачува во грлото, а истата има непријатен мирис.
Нередовните оброци може негативно да влијаат на свежината на здивот. Недостатокот на храна и течности го забавува производството на излачување плунка, што придонесува за раст на бактериите во устата.
Тутунот предизвикува еден вид на лош здив, па освен пожолтени заби, губење на осетот за вкус и иритација на непцата, луѓето кои пушат имаат голема веројатност за појава на непријатен здив.
Кафето има многу силен мирис, но кофеинот во кафето може да предизвика лош здив. Ја суши устата што овозможува создавање бактерии. Потоа бактериите се лепат за јазикот, непцата, забите и внатрешноста на образите што може да доведе до лош здив. Исто така, млекото во кафето поттикнува раст на бактериите.