30-годишниот француски фудбалер не сака да прифати профитабилна, мултимилионска понуда од Саудиска Арабија, туку својата иднина ја гледа само во Јувентус.
Ова го тврди француски L'Équipe, а денеска објавија и италијанските медиуми. Пол Погба во својата професионална кариера играше само за два тима, Јувентус и Манчестер Јунајтед, со тоа што беше во торинскиот клуб од 2012 до 2016 година и вторпат дојде кај „Старата дама“ летото 2022.
Некогаш најскапиот фудбалер на светот доби понуда од Ал Итихад, клубот кој потпиша договор со неговите двајца сонародници – Карим Бензема и Н'Голо Кантé. Според медиумите, на Погба му биле понудени 100 милиони евра за тригодишен договор, но се чини дека францускиот играч за врска го одбил.
Според L'Équipe, Погба е полн со мотивација за најдобри можни резултати со Јувентус, но и за враќање во француската репрезентација со која сака да игра на Европското првенство следната година во Германија. Погба во кариерата одигра 91 натпревар за Франција и постигна 11 голови.
Минатата сезона на Погба ја помина мачејќи се со повредите, поради кои ги пропушти сите клупски предизвици, како и Светското првенство во Катар на крајот од минатата година.
