На Instagram може да видите прекрасни фотографии и креативни видеа, но и пресмешни сцени. Сепак, Instagram има и мрачна страна која ги прикажува луѓето нешто што не се.
Пример за тоа е и 19-годишно момче од Лондон кое докажа колку е лесно да глумите дека сте богат. Младиот јутјубер Бајрон Дентон направи интересен експеримент со кој покажа колку лесно социјалните мрежи може да ги доведат луѓето во заблуда.
Тој на Instagram има околу 70.000 следбеници, а во експериментот седум дена објавувал фотографии на кои лажира дека е богат. Така на пример, се фотографирал како седи во зелена фотелја со списание во рацете и ја преуредил фотографијата како да седи во приватен авион. Фотографијата за седум секунди собра 1.000 лајкови, што е далеку повеќе од реакциите кои ги имаат неговите нормални фотографии.
За да провери како луѓето реагираат на дизајнерска облека, се фотографирал пред продавница на Louis Vuitton, а потоа во фотошоп си додал кесе во рацете. Фотографијата собра 8.000 лајкови што е неколкупати повеќе од тоа што инаку би го собрал за која било фотографија.
Истото сценарио го направил и со останатите фотографии, а на крајот и самиот останал изненаден од резултатите.
Решил да сними и видео на оваа тема сакајќи да им каже на младите луѓе за тоа какви опасности демнеат на социјалните мрежи и зошто не треба наивно да веруваме во сè што ќе видиме.