Продолжението на комедијата „Neighbors“, насловено „Neighbors 2: Sorority Rising“, ќе ни ги прикаже маките на семејството што ќе добие сестринство со студентки за први комшии.
Во ова продолжение Мак (Сет Роген) и Кели (Роуз Брн) ќе се соочат со уште едни комшии што ќе им го отежнат секојдневието - овојпат сестринство на студентки кои, иако се девојки, ќе покажат дека не се мирни, тивки и фини како што би претпоставиле.
Парот ќе мора да побара помош од нивниот претходен непријател Теди, за да се справи со овој нивен кошмар.
Во филмот ќе ги видиме и Зек Ефрон, Клои Морец, Селена Гомез, Дејв Франко, Лиса Кидроу и други. Режисер на филмот е Николас Стролер, во чие портфолио се комедиите Forgetting Sarah Marshall, Get Him to the Greek, Neighbors и други.
Премиерата на филмот е закажана за на 20 мај.
Погледнете ги трејлерите за филмот:
