Нејмар Да Силва на сопственикот на клубот од Парис, Ал Калифи, му предложил да го промени тренрот Унај Емери и наместо него на таа позиција да го постави Луис Енрике.
За нов тренер досега како главен кандидат најмногу фигурира Антонио Конте од Челзи, но Нејмар му порачал на шеикот дека не му се допаѓа стилот на игра на Италијанецот, и дека токму Луис Енрике е подобро решение, пренесуваат бројни шпански и француски медиуми.
Првата ѕвезда на „Светците“ моментално се наоѓа во родниот Бразил, каде оздравува од повреда, а при посетата на Ал Калифи и спортскиот директор на клубот, Нејмар ги советувал да го ангажираат Луис Енрике.
Нејмар имаше успешна соработка со Луис Енрике во Барселона, каде двајцата за само три сезони освоија дури девет титули (две Примери и Лига на шампиони), а потоа минатото лето во исто време заминаа од Ноу Камп.
Едно е сигурно, Унај Емери на крајот од сезоната сигурно заминува од Париз поради неуспехот во Лигата на шампионите, односно елиминацијата од мадридскиот Реал во осминафиналето, без разлика на тоа што е близу до освојување на титулата шампион во француската Лига 1.