Не само што красулата е на изглед убаво собно растение, туку за неа велат и дека привлекува среќа, пари и успеси на полето на финансиите.
Красулата е собна билка чие латинско име е Crassula ovata. Многу е едноставна за одржување.
Се состои од дебелкасти гранчиња што потсетуваат на мали стебленца, и од меснасти овални листови. Токму поради фактот што е симбол на среќа, е одличен избор за поклон.
Родот Crassula има повеќе видови билки, кои малку се разликуваат меѓу себе. Најпопуларен вид е Crassula ovata, чија боја на листови исто така може да варира.
Доколку чувате мачка или куче, красулата треба да ја ставите на место недостапно за нив бидејќи сите делови на ова растение се токсични за домашните животни. Не паничете, красулата не пушта токсини во воздухот, туку токсична е ако се консумира, а мачка или куче можат од љубопитност да стават лист в уста.
Треба редовно да се полева, но притоа и да се води сметка да не ѝ дојде пречесто. Земјата не смее целосно да се исуши, па така, најдобро е да ја полевате кога со прст ќе осетите дека горниот слој е сув.
Претераното полевање може да биде кобно за оваа билка. За време на пролетта и летото се препорачува почесто полевање за земјата да биде цело време влажна, додека зиме се препорачува да се полева еднаш месечно.
