Здравје

Неколку знаци дека сте зависни од кофеин

14. октомври 2019 - 10:59 | М.С.

Сите знате дека кофеинот најмногу се содржи во кафето, но ќе се изненадите од фактот дека оваа супстанца се наоѓа и во други видови пијалоци, намирници и лекови, зрната од какао, чајот. 

Ова се неколку знаци дека сте зависни од кофеин.

Летаргичност

Првиот знак дека сте зависни од кофеин е летаргичноста која ја чувствувате пред да го испиете утринското кафе. Се „влечкате“ до работа, ги откажувате плановите затоа што се чувствувате уморно и немате мотивација да учествувате во секојдневните активности.

Ако ви недостасува енергија, можеби сте зависни од кофеин.

За многумина, откажувањето од кофеин може да значи губиток на енергија која вообичаено ја добивате при консумација на кафе.

Кофеин и депресија

Според научниците од клиниката Мејо, постои врска помеѓу зависноста од кофеин и депресија. Претераниот внес на кофеин го нарушува сонот, а тоа влијае негативно на расположението.

Луѓето кои страдаат од анксиозност, не треба да консумираат кофеин затоа што тоа може додатно да ја влоши психолошката состојба.

Проблеми со мускулите

Познато ви е чувството кога имате грип, па не можете да станете од креветот. 

Доколку престанете да консумирате кофеин, можат да се појават слични болки во мускулите кои можат да ви причинуваат тешкотии и при секојдневните активности.

Главоболка

Доколку престанете да пиете кафе, главоболката ќе биде една од најтешките работи со кои ќе се соочите.

Инаку, лековите кои ја ублажуваат главоболката најчесто содржат кофеин.

Влијае на расположението

Кофеинот може да влијае на вашето расположение. Ако сте зависни од кофеин, ќе забележите дека со тек на време ја зголемувате количината. Кога вашето тело ќе се навикне на кофеин, телото сè повеќе бара да ја зголемувате количината.

Коментирај