Пејачката Нели Фуртадо се разведе од инженерот на звук Демaцио Кастелјон по осум години брак. Двојката не живеела заедно од минатото лето.
„Нели го промовира новиот албум во Велика Британија и во Германија. Можеме да потврдиме дека веста е точна. На Нели ѝ оди многу добро, и приватно и професионално“, рече нејзиниот портпарол за ET.
Пејачката во емисијатa Loose Women на ITV и самат рече дека е пак слободна.
„Некој нека ги смени податоците на Wikipedia, старите не ми помагаат во љубовниот живот. Поминав низ емотивен период минатото лето, пишував и пеев за да си помогнам. Си пеев додека одев на долги возења и сметам дека сум среќна што можам да пишувам песни бидејќи ме смируваат“, рече пејачката.
Таа додаде дека по разводот решила да помине време далеку од очите на јавноста за да најде рамнотежа во животот.
„Понекогаш само сакате да седите дома и да правите колачи за детето, да го чистите тоалетот и да имате миг само засебе. Убаво е да се направи пауза од кариерата и да уживате во овие благодети. Морам да бидам емоционално и физички добро за ќерка ми“, рече Фуртадо која од претходна врска има 13-годишна ќерка.