Супермоделот Наоми Кембел (50) ги изненади нејзините обожаватели на Instagram откако објави фотографија на која откри дека стана мајка.
„Благословена сум што таа ме избра да ѝ бидам мајка. Се радувам што го имам ова нежно суштество во мојот живот. Нема зборови со кои можам да ја опишам нашата поврзаност, ангелу мој. Нема поголема љубов од ова“, напиша Наоми под фотографијата.
Познатата манекенка пред да ја објави оваа фотографија не изјави дека очекува бебе или дека е во врска. Во последните неколку години во интервјуата нагласуваше дека обожава деца и дека сака да стане мајка.