Министерството за надворешни работи на Република Македонија изразува длабоко сочувство до семејствата на сите загинати и повредени во експлозијата што се случи во Санкт Петербург, Руската Федерација.
„Воедно, Министерството за надворешни работи информира дека е во постојан контакт со надлежните институции во Руската Федерација и до овој момент нема добиено информација за повредени и/или загинати македонски државјани“, се вели во телеграмата со сочувство упатена до државниот врв на Русија.
За сите прашања поврзани со безбедноста на македонските граѓани кои во моментот се наоѓаат во Санкт Петербург, молиме да се обратите на дежурните телефони во Дипломатско-конзуларното претставништво на Република Македонија во Москва и во Министерството за надворешни работи на Република Македонија.
Амбасада на Република Македонија во Москва, Руска Федерација
Лице за контакт: Јани Богоевски
Мобилен телефон: +79264516986
Адреса: Дмитрија Улјанова 16/2, влез 8, кат 1, стан бр. 509 и 510, 117292 Москва
Е-пошта: moscow@mfa.gov.mk
