Многумина мислат дека недостатокот на секс во бракот е една од главните причини за распад на бракот, но уште побрза причина за незадоволство е лошиот секс.
Монотонијата и еднобличноста можеби е идеална за некој, но доколку на еден од брачните партнери им е здосадено сигурно многу брзо ќе побараат промена.
Во првите неколку години од бракот со задоволство уживате во хобито и интересите на брачниот партнер, но со време таа толеранција се губи. Во некои бракови овој терк на секој-по-свое совршено функционира, но некаде тоа е знак дека бракот се распаѓа.
Долгорочните зависности од типот на прекумерно пиење или пушење цигари и злоупотреба на наркотици која започнала како невина љубопитност и излегла од контрола е цврста причина за прекинување на бракот.
Понекогаш партнерите брзо увидуваат дека воопшто не биле вљубени еден во друг туку само барале човек со кој ќе пополнат одреден посакуван аспект од сопствениот живот. Овој начин не е толку лош сѐ до моментот кога еден од партнерите не се почувствува измамен.
Интересите на партнерите се менуваат и со тек на време некој од нив може да го смета како разнишување на темелите на бракот.
Физичката привлечност е прва која доаѓа, но и прва која си оди. Низ годините партнерите се менуваат и нивниот физички изглед во даден момент може целосно да се промени и повеќе да не си бидат привлечни.
Фокусот кој не води кон семејството туку влече настарана од фамилијата е сериозна причина за сомнеж во успехот на бракот. Концентрацијата насочена кон работата и кариерата или новото хоби често се јавува како причина за негрижа и запоставување на бракот.
Расправиите кои завршуваат со нерасчистени проблеми со цел да заврши бучавата, а не да се постигне согласност, го уништуваат бракот. Секој подголтнат аргумент или чувство на “ќе видиш ти“ ја осакатува светата врска помеѓу двајца партнери.
Фамилијарните односи и прифатеноста од страна на семејството на брачниот партнер доста влијаат на односот помеѓу сопружниците особено во ситуации каде семејствата на истите си земаат за слобода меѓусебно да се клеветат и “полнат главата“ на своите “чеда“ со глупости.
Довербата во бракот е несомнено една од клучните фактори за успех на истиот. Доколку самата врска се темелела на недоверба и сомнежи ниту бракот нема да биде поинаква приказна.
Почитта и вербата на партнерот може да направи чуда во развојот како личност, но кога истата се губи едниот пропаѓа а другиот станува преамбициозен и желен да се ослободи од спрангите кои тој верува дека го кочат.