„La Casa de Papel“ е најуспешната шпанска серија на Netflix и е една од најпопуларните серии на јазик различен од англискиот. Netflix објави серија фотографии од првиот преглед на 5. сезона од оваа серија, која во англискиот јазик е позната како „Money Heist“.
Шпанската хит серија е во режија на Алекс Пина, а во продукција на Vancouver Media. Тим криминалци го остваруваат најголемиот грабеж во историјата. Серијата се фокусира на група измамници и разбојници кои се екипираат под водство на т.н. „професор“, со цел да ограбуваат големи банки во Шпанија.
Неодамна беше објавена најавата за последната сезона на популарната серија на Netflix, датумот на излегување на првиот дел е закажан за 3 септември, а вториот на 3 декември.
„Бандата е затворена во шпанска банка повеќе од 100 часа. Успеваат да го спасат Лисабон, но нивниот најмрачен момент доаѓа откако ќе изгубат еден свој. Професорот е заробен од Сиера и за прв пат нема план за бегство. Токму кога се чини дека ништо полошо не може да се случи, се појавува непријател посилен од сѐ она со кое се соочиле претходно: војска. Се ближи крајот на најголемиот грабеж, а она што започна како грабеж ќе се претвори во војна“, се вели во објавата околу она што ќе се случува во 5. сезона.
Серијата потекнува од шпанската мрежа Antena 3 и имаше слаба гледаност сѐ додека не ја презеде Netflix и ѝ даде нов живот, трансформирајќи ја во најголемото шоу што некогаш излезгло од шпанскиот пазар.