Netflix потврди дека нова документарна серија фокусирана на судењето на Џони Деп против Амбер Херд доаѓа на стриминг платформата летово.
Документарната серија во три дела ја режираше Ема Купер, чија цел беше да прикаже „неутрален поглед на она што се случува кога судот на јавното мислење ќе почне да ја засенува реалноста“. За да се направи серијата Depp vs. Heard беа собрани 200 часа снимки од судењето за клевета, со видеа на TikTok и коментари на Twitter за случајот.
„Серијата ја испитува улогата на социјалните мрежи во судењето, поставувајќи провокативни, непријатни прашања за тоа како разговорите надвор од судницата можеби влијаеле на исходот“, се вели во синопсисот.
Случајот беше завршен на 1 јуни 2022 година, кога седумчлената порота пресуди во корист на Џони Деп и ги отфрли наводите на неговата поранешна сопруга, која тврдеше дека Деп физички и сексуално ја нападнал во повеќе наврати. Судот на актерот му досуди отштета од повеќе од 10 милиони долари. Сепак, Амбер рече дека верува оти социјалните мрежи влијаеле на исходот на пресудата.
Серија Depp vs. Heard треба да има премиера на Netflix на 16 август во Соединетите Амеркански Држави, а датумите на прикажување во другите земји допрва треба да бидат објавени.